جوبا قالانىڭ ءۇش كوشەسىن-بايمۇحانوۆ, ۆلاديميرسكي جانە تايمانوۆ كوشەلەرىن قايتا جاڭعىرتۋ جانە كەڭەيتۋ جۇمىستارىنان تۇرادى. سونداي-اق مەردىگەر ۇيىم "اتىراۋينجستروي" جشس- نىڭ الدىندا جول جيەكتەرىن ورناتۋ, جاياۋ جۇرگىنشىلەر جولى مەن درەناج ناۋالارىن سالۋ, سۋارۋ قۇبىرلارىن جۇرگىزۋ, تۇراقتار جانە وڭ جاق باعىتتاعى وتەتىن جولدار سالۋ, ايالداما پاۆيلوندارىن ورناتۋ, كوشە جارىعىن اۋىستىرۋ مەن جول بەلگىلەرىن سالۋ مىندەتتەرى تۇردى. كوشەلەردى رەكونسترۋكتسيالاۋ جانە كەڭەيتۋ جۇمىستارى 6 اي بويى - سəۋىردەن قازان ايىنىڭ سوڭىنا دەيىن جۇرگىزىلدى.
جوندەلگەن جولدىڭ جالپى ۇزىندىعى: تايمانوۆ كوشەسى 2340 م, ۆلاديميرسكي كوشەسى - 2646 م, بايمۇحانوۆ كوشەسى - 3430 م.
-جوبانى ىسكە اسىرۋ جولداردا اۆتوموبيل قوزعالىسىنىڭ قارقىندى وسۋىمەن, سونداي-اق كولىك قۇرالدارى سانىنىڭ ۇلعايۋىنان تۋىندادى. ۇنەمى كولىك كەپتەلىسى بولاتىن جانە قوزعالىس كەزىندە قولايسىزدىقتار تۋىندايتىن كوشەلەردەگى قوزعالىستى جەڭىلدەتۋ ءۇشىن جولاقتاردى ۇلعايتۋ جۇرگىزىلدى,- دەدى اتىراۋ قالاسى əكىمىنىڭ ورىنباسارى نۇرلان تاۋباەۆ. اتاپ ايتقاندا, ۆلاديميرسكي كوشەسى 2 جولاقتان 4 جولاققا دەيىن ۇلعايتىلدى, بۇگىندە جۇرگىنشىلەر بولىگىنىڭ ەنى جوبا بويىنشا 7 م, 10,5 م جانە 14 م.
بايمۇحانوۆ كوشەسى بويىنشا جولدىڭ كەيبىر ۋچاسكەلەرى 2-دەن 3 جانە 4 جولاققا دەيىن ۇلعايتىلدى, كەڭەيتۋدەن كەيىن كوشەنىڭ وتەتىن بولىگىنىڭ ەنى 7 مەتردەن 14 مەترگە دەيىن, كەي جەرلەردە 16 مەترگە دەيىن ءوستى.
تايمانوۆ كوشەسى بويىنشا 2, 3, 4 جولاقتى ۋچاسكەلەر بار, سونىمەن قاتار ءبولۋ جولاعى بار 6 جولاقتان تۇراتىن ۋچاسكە دە بار- ءبىر باعىتقا قاراي 3 ءبىر باعىتتاعى جولاقتار جانە ەكىنشى باعىتقا دا 3 جولاقتى جولدار سالىندى. جولاقتاردىڭ ەنى - 7 م, 10,5 م جانە 14 م.
- جول قۇرىلىسى كەزىندە جەرگىلىكتى اسفالتبەتون زاۋىتى وندىرگەن, ءوزىنىڭ توزىمدىلىگىن كورسەتكەن اسفالتبەتون قوسپاسى پايدالانىلدى,- دەپ ناقتىلاپ ءوتتى نۇرلان تاۋباەۆ. جوبا اياسىندا بۇرىنعى درەناج ناۋالارى ساقتالىپ, جاڭالارى سالىنعانىن ايتا كەتەيىك. جاۋىن-شاشىن سۋى مەن ەرىگەن سۋدىڭ اعىپ كەتۋى ءۇشىن جولداردى بويلاي جيىرما تەكشە مەتر جەراستى سىيىمدىلىعى ورناتىلدى: بايمۇحانوۆ كوشەسىندە- 4, تايمانوۆ كوشەسىندە 2 سىيىمدىلىق ورناتىلدى. سونداي-اق جوندەلگەن كوشەلەردىڭ بويىندا جاڭا تۇراق الاڭدارى سالىندى: بايمۇحانوۆ كوشەسى بويىندا -155 ورىندىق 12 تۇراق, ۆلاديميرسكي كوشەسى بويىندا - 109 ورىندىق 18 تۇراق, تايمانوۆ كوشەسى بويىندا 89 ورىندىق 10 تۇراق.
اۆتوموبيل جۇرگىزۋشىلەرگە قولايلى بولۋى ءۇشىن 11 وڭ جاق باعىتتاعى وتەتىن جولدار سالىندى: ۆلاديميرسكي كوشەسى مەن قۇرمانعازى كوشەسىنىڭ قيىلىسىندا - 4, ۆلاديميرسكي - عۇماروۆ كوشەلەرىنىڭ قيىلىسىندا - 4, ۆلاديميرسكي كوشەسى مەن سəتپاەۆ داڭعىلىنىڭ قيىلىسىندا - 1, تايمانوۆ كوشەسى مەن سəتپاەۆ داڭعىلىنىڭ قيىلىسىندا-1, ۆلاديميرسكي-ەرنيازوۆ كوشەلەرىنىڭ قيىلىسىندا - 1 وتپەلى جول سالىندى. سونىمەن قاتار جوبا اياسىندا جوعارىدا اتالعان ءۇش كوشەدە اۆتوموبيل جولدارىن بەلگىلەۋ جۇرگىزىلدى, 23 ايالداما پاۆيلوندارىن ورناتۋ جانە كوشە جارىعىن اۋىستىرۋ جالعاسۋدا.
